WhatsApp විසින් ලොව පුරා පුද්ගලයින් ඉලක්ක කරන වංචාකරුවන්ට සම්බන්ධ ගිණුම් මිලියන 6.8ක් මෙම වසරේ මුල් භාගයේදී ඉවත් කරනු ලැබූ බව Meta සමාගම පවසනවා.
Meta සමාගමට අනුව, ඒවායින් බොහොමයක් බලහත්කාරයෙන් ශ්රමය භාවිත කර අග්නිදිග ආසියාවේ සංවිධානාත්මක අපරාධකරුවන් විසින් පවත්වාගෙන යනු ලබන වංචා මධ්යස්ථානවලට සම්බන්ධ ය.
තම දුරකතන සබඳතා ලැයිස්තුවේ නොමැති අයෙකු විසින් පරිශීලකයෙකු ‘ගෲප් චැට්’ එකකට සම්බන්ධ කරනු ලැබුවහොත්, එහිදී සිදුවිය හැකි වැනි වංචනික ක්රියාකාරකම් පිළිබඳව පරිශීලකයින් දැනුවත් කිරීම සඳහා WhatsApp මගින් හඳුන්වා දුන් වංචා වැළැක්වීමේ නව පියවරට සමගාමීව Meta සමාගම මේ බව නිවේදනය කළා.
අපරාධකරුවන් විසින් WhatsApp ගිණුම් හැක් කිරීම හෝ ව්යාජ ආයෝජන යෝජනා ක්රම සහ වෙනත් වංචා ප්රවර්ධනය කරනු ලබන ගෲප් චැට්වලට පරිශීලකයින් සම්බන්ධ කිරීමේ වඩාත් පොදු උපක්රමය මර්දනය කිරීමට මෙමගින් ඉලක්ක කරනවා.
ඒ අනුව සයිබර් අපරාධ මධ්යස්ථාන මගින් ක්රියාත්මක වීමට පෙර එම ගිණුම් කල්තියා හඳුනාගෙන ඒවා ඉවත් කිරීමට WhatsApp පියවර ගත් බවයි Meta සමාගම වැඩිදුරටත් පැවසුවේ.
