ජෙනරාල් අසීම් මුනීර් සහ ඉස්ලාමාබාද්හි රාජ්ය තාන්ත්රික මාර්ග මඟින් පාකිස්තානයේ “දැවැන්ත තෙල් සංචිත” පිළිබඳව අමෙරිකාව “බරපතළ ලෙස නොමඟ යවා” ඇති බව බලුච් නායක මිර් යාර් බලුච් එක්සත් ජනපද ජනාධිපති ඩොනල්ඩ් ට්රම්ප්ට විවෘත ලිපියක් මඟින් අනතුරු අඟවනවා.
තෙල්, ස්වාභාවික ගෑස්, තඹ, ලිතියම්, යුරේනියම් සහ දුර්ලභ පස් ඛනිජ සංචිත පකිස්ථානයේ පිහිටා නොමැති අතර ඒවා “බලුකිස්තාන ජනරජයට”ම අයත් බව ඔහු පවසනවා.
“කලාපයේ ඇති දැවැන්ත තෙල් හා ඛනිජ සංචිත පිළිබඳ ඔබේ පිළිගැනීම ඇත්තෙන්ම නිවැරදියි. කෙසේ වෙතත්, පකිස්ථාන හමුදා නායකත්වය, විශේෂයෙන් ජෙනරාල් අසීම් මුනීර් සහ ඔවුන්ගේ රාජ්ය තාන්ත්රික මාර්ග මගින් මෙම තීරණාත්මක සම්පත්වල සැබෑ භූගෝලය සහ හිමිකාරිත්වය සම්බන්ධයෙන් ඔබව බරපතළ ලෙස නොමඟ යවා ඇති බව ඔබේ පරිපාලනයට දැනුම් දීම අත්යවශ්ය වේ” ලෙස ඔහුගේ ලිපියේ සඳහන් වනවා.
“මෙම භාවිතයට නොගත් තෙල්, ස්වාභාවික ගෑස්, තඹ, ලිතියම්, යුරේනියම් සහ දුර්ලභ පාංශු ඛනිජ සංචිත පන්ජාබ් ප්රදේශය තුළ පිහිටා නොමැති අතර එය සැබෑ පකිස්ථානයයි. ඒවා අයත් වන්නේ ඓතිහාසික වශයෙන් ස්වෛරී රාජ්යයක් වන බලුකිස්තානයටය. මෙම සම්පත් පාකිස්තානයට අයත් බවට කරන ප්රකාශය අසත්යයක් පමණක් නොව, දේශපාලනික හා මූල්යමය වාසි සඳහා බලුකිස්තානයේ ධනය අනිසි ලෙස භාවිතා කිරීමට හිතාමතා ගත් උත්සාහයකි”ලෙසයි බලුච් නායකයා පෙන්වා දෙන්නේ.
අල්-කයිඩා සහ ඇෆ්ගනිස්ථානයේ ඇමරිකානු සොල්දාදුවන් දහස් ගණනකගේ මරණයට වගකිව යුතු විවිධ ප්රොක්සි කණ්ඩායම්වලට අනුග්රහය දැක්වීම සඳහා ප්රසිද්ධ පකිස්ථානයේ රැඩිකල්වාදී මිලිටරි සහ තක්කඩි ISI හට බලුකිස්ථානයේ ඩොලර් ට්රිලියන ගණනක දුර්ලභ පාංශු ඛනිජ සංචිත සූරාකෑමට ඉඩ දීම බරපතළ උපායමාර්ගික වැරැද්දක් වනු ඇතැයි ඔහු අනතුරු අඟවනවා.
“බලුච් ජනතාවගේ පැහැදිලි කැමැත්තකින් තොරව අපගේ භූමිය හෝ එහි සම්පත් සූරාකෑමට අපි පකිස්ථානයට, චීනයට හෝ වෙනත් කිසිඳු විදේශීය බලවතෙකුට ඉඩ නොදෙමු.” ලෙස ඔහු ට්රම්ප් වෙත යැවූ විවෘත ලිපියේ වැඩිදුරටත් සඳහන්.
“ඔවුන්ගේ දැවැන්ත තෙල් සංචිත” සංවර්ධනය කිරීම සඳහා පාකිස්තානය සහ එක්සත් ජනපදය එක්ව කටයුතු කරන ප්රධාන ගිවිසුමක් ට්රම්ප් පාකිස්තානය සමඟ පසුගිය සතියේ ප්රකාශයට පත් කළා.
“මෙම හවුල්කාරිත්වයට නායකත්වය දෙන තෙල් සමාගම තෝරා ගැනීමේ ක්රියාවලියක අපි යෙදී සිටිමු” ට්රම්ප්. ටෘත් සමාජ ජාලයේ සටහනක් තබමින් පවසා තිබුණා.
