මාර්වල් සමාගම නිපදවා ඇති පළමු පවුල වන Fantastic Four වාර්තාගත ආදායමක් උපයාගෙන තිබෙන බව විදෙස් මාධ්‍ය වාර්තා කරනවා.

කෙවින් ෆීජ්ගේ නායකත්වය යටතේ සහ වෝල්ට් ඩිස්නිගේ සහයෝගයෙන් නිෂ්පාදනය වූ “The Fantastic Four: First Steps” චිත්‍රපටය, එහි පළමු සති අන්තයේදී උතුරු ඇමරිකාවේ සිනමාහල් 4,125 කින් ඩොලර් මිලියන 118ක් උපයා ඇති බවයි වාර්තා වන්නේ.

මෙම ආරම්භය 2025 වසරේ සිව්වන විශාලතම චිත්‍රපට ආරම්භය වන අතර, “A Minecraft Movie”, “Lilo & Stitch” සහ “Superman” ට පසුව වසරේ සිව්වන විශාලතම ආරම්භය බවට මෙය පත්ව තිබෙනවා.

“Deadpool & Wolverine” ට පසු පසුගිය ගිම්හානයේදී ඩොලර් මිලියන 211ක ආදායමක් උපයා ගත් විශාලතම Marvel චිත්‍රපට ආරම්භය මෙයයි.

මෙම චිත්‍රපටය තිරගත වුණේ DC Studios හි ජේම්ස් ගන්ගේ “Superman” චිත්‍රපටයේ විශාල සාර්ථකත්වයකට පසුවයි.

එම චිත්‍රපටය දැනටමත් ගෝලීය වශයෙන් ඩොලර් මිලියන 500 ඉක්මවා ගොස් ඇති අතර, සති අන්තයේදී මිලියන 24.9 උපයා දෙවන ස්ථානයට පත්ව තිබෙන බවයි විදෙස් මාධ්‍ය වාර්තා කරන්නේ.