ඉන්දියාවේ නවදිල්ලි පිහිටි ප්රධාන පෙළේ පාසල් 05කට දින 03ක් තුළ බෝම්බ තර්ජන එල්ල වී තිබෙනවා.
ඒ අනුව දින 03ක් තුළ පාසල් ඇතුළුව ස්ථාන 10කට මෙලෙස බෝම්බ තර්ජන ඇති වී තිබෙන බවයි හින්දුස්තාන් වෙබ් අඩවිය වාර්තා කළේ.
බෝම්බ තර්ජන එල්ල වූ පාසල් 05 අතර ද්වාරකා හි ශාන්ත තෝමස් පාසල, වසන්ත් කුන්ජ් හි වසන්ත නිම්න පාසල, හවුස් ඛාස් හි මදර්ස් ජාත්යන්තර පාසල, පෂ්චිම් විහාර් හි රිච්මන්ඩ් ග්ලෝබල් පාසල සහ ලෝඩි වතුයායේ සර්දාර් පටෙල් විද්යාලය යන පාසල් මේ අතර වන බවයි ANI පුවත් ඒජන්සිය වාර්තා කළේ.
PTI පුවත් සේවයට අනුව, ද්වාරකා පාසලට අද (16) අලුයම 5.26 ට සහ වසන්ත් කුන්ජ් පාසලට අද අලුයම 6.30 ට බෝම්බ තර්ජන තැපෑල මඟින් ලැබී තිබුණා.
දිල්ලි පොලිසිය, බෝම්බ නිෂ්ක්රීය අංශය, පොලිස් නිල සුනඛ බලකාය සහ සයිබර් විශේෂඥයින් කණ්ඩායම් සිද්ධිය සම්බන්ධයෙන් පුළුල් විමර්ශන ආරම්භ කර ඇති බවයි වාර්තා වන්නේ.
දිල්ලි ගිනි නිවන රථ දෙපාර්තමේන්තුව නිවේදනය කළේ පරීක්ෂණ සිදු කෙරෙමින් තිබුණ ද සැක සහිත කිසිවක් හමු වී නොමැති බවයි.
දින දෙකකින් ශාන්ත තෝමස් පාසලට ලැබුණු දෙවන බෝම්බ තර්ජනය මෙය වනවා.
