මැදපෙරදිග පවතින තත්ත්වය සැලකිල්ලට ගෙන ශ්රී ලන්කන් ගුවන් යානා පහක් මස්කට්, රියාද් සහ ඩුබායි වෙත හරවා යැවුණු බව ශ්රී ලංකාවේ සිවිල් ගුවන් සේවා අධිකාරිය ප්රකාශ කළා.
ඊයේ (23) මධ්යම රාත්රියේ සිට ඇති වූ මැදපෙරදිග යුදමය වාතාවරණය හමුවේ මෙය සිදු කළ බවයි වාර්තා වන්නේ.
මේ අතර FitsAir ගුවන්යානයක් ද ඩුබායි වෙත හරවා යවා ඇති බවයි.
මෙම ගුවන්යානා කුවෙට්, අබුඩාබි සහ දෝහා වෙත පියාසර කළ ඒවා බව සිවිල් ගුවන් සේවා අධිකාරිය පැවසුවා.
මේ අතර සිවිල් ගුවන් සේවා අධිකාරිය සඳහන් කරන්නේ, කිසියම් ගුවන්යානයක් ශ්රී ලංකාව වෙත ගොඩ බෑම සඳහා ඉල්ලීමක් කළහොත් මත්තල ගුවන්තොටුපොළ සහ කටුනායක ගුවන්තොටුපොළ සූදානම් කර ඇති බවයි.
මේ අතර කුවේට් රාජ්යයේ සිට ක්රියාත්මක වන ජසීරා ගුවන් සේවය සිය ගුවන් ගමන් මෙහෙයුම් අත්හිහිටුවා ඇති බවට තමන් වෙත දැනුම් දී ඇති බව කටුනායක ගුවන් තොටුපොළ කාර්යය භාර නිලධාරීවරයා අද (24) අලුයම පවසා තිබෙනවා.
කටුනායක ගුවන් තොටුපොළ සිට කටාර් රාජ්යයේ දෝහා වෙත සහ කුවේට් රාජ්යයේ කුවේට් සිටි ගුවන් තොටුපොළ වෙත සිදු කෙරෙන ගුවන් ගමන් මෙහෙයුම් මෙසේ අත්හිටුවා ඇති බවයි වාර්තා වන්නේ.
මෙයට හේතු වී ඇත්තේ ඉරානය විසින් කටාර් රාජ්යයේ ඇමෙරිකානු යුද කඳවුරු වෙත පහරදීමත් සමගම කටාර් ගුවන් කලාපය වසා දැමීමට එරට රජය පියවර ගෙන තිබීමයි.
කෙසේ නමුත් අද (24) පෙරවරුව වන විට කටාර් ගුවන් කලාපය යළි විවෘත කිරීමට ද එරට බලධාරීන් කටයුතු කර තිබෙනවා.
මේ වනවිට අනෙකුත් මැදපෙරදිග සහ යුරෝපයේ සිට කටුනායක ගුවන් තොටුපොළ වෙත පැමිණෙන ගුවන් යානා සාමාන්ය පරිදි පැමිණෙමින් සිටින බව ගුවන් තොටුපොළ කාර්යය භාර නිලධාරීවරයා වැඩිදුරටත් සඳහන් කළා.
