ලෝකයේ විශාලතම තාක්ෂණික සමාගම ලෙස ට්රිලියන 3ක වටිනාකමකින් යුතු ඇපල් සමාගම, නවතම කෘතිම බුද්ධි (AI) තාක්ෂණය හඳුන්වාදීමේදී බරපතල අභියෝගවලට මුහුණ දෙමින් සිටින බව පෙනෙන බව විදෙස් මාධ්ය වාර්තා කරනවා.
AI තාක්ෂණය ඒකාබද්ධ කිරීමේදී ඇපල් සමාගමට ඇතිවන දිගින් දිගටම ප්රමාදයන් හා තාක්ෂණික බාධක, සමාගමේ ඉදිරි ගමනට බලපෑමක් එල්ල කරමින් තිබෙන බවයි එම වාර්තා පවසන්නේ.
මේ හේතුවෙන් පසුගිය වසර කිහිපය තුළ කෘතිම බුද්ධි තාක්ෂණය පදනම් කරගත් සේවා ජනප්රිය වීමත් සමඟ, පරිශීලකයින් මිලියන සියයක් මාස දෙකක් තුළ ලබාගත් ChatGPT වැනි වේදිකා පැමිණීමෙන් අනතුරුව, සෑම ප්රධාන තාක්ෂණික සමාගමක්ම කෘතිම බුද්ධිය වෙත යොමු වීමට පටන් ගෙන තිබෙනවා.
ඇපල් බුද්ධිය (Apple Intelligence) හඳුන්වාදීම
2024 WWDC සම්මේලනයේදී ඇපල් සමාගම “ඇපල් බුද්ධිය” (Apple Intelligence) නමින් AI තාක්ෂණය හඳුන්වා දුන්නේ, iPhone, iPad, සහ Mac උපාංග සඳහා ගෙන එන නව විශේෂාංග රැසක් සමඟිනි. මෙයට Genmoji, Image Playground වැනි විනෝදජනක විශේෂාංග, Writing Tools, ChatGPT ඒකාබද්ධ කිරීම, සහ Siri සහායකයාගේ සැලකිය යුතු වැඩිදියුණු කිරීම් ඇතුළත් විය. එහෙත්, 2024 සැප්තැම්බරයේ iPhone 16 හඳුන්වාදුන් විට, ඇපල් බුද්ධිය සඳහා විශේෂයෙන් නිර්මාණය කළ උපාංගයක AI විශේෂාංග කිසිවක් ක්රියාත්මක නොවීම බරපතල ගැටලුවක් වුණා.
ප්රමාදයන් හා අඩුපාඩු
iOS 18.1 යාවත්කාලීනය ඔස්සේ Writing Tools සහ දැනුම්දීම් සාරාංශකරණය වැනි සුළු විශේෂාංග ලැබුණද, Genmoji, Image Playground, සහ ChatGPT ඒකාබද්ධතාව වැනි ප්රධාන විශේෂාංග iOS 18.2 දක්වා ප්රමාද වුණා. iOS 18.3 හිදී Visual Intelligence හඳුන්වාදුන්නේ, කැමරා පෙරහන් භාවිතයෙන් පරිසරය පිළිබඳ ප්රශ්නවලට පිළිතුරු දීම හෝ පෝස්ටරයකින් තොරතුරු දින දර්ශනයට එකතු කිරීම වැනි යම් ප්රයෝජනවත් විශේෂාංග සමඟයි. එහෙත්, පුවත් හා විනෝදාස්වාද යෙදුම්වල දැනුම්දීම් සාරාංශකරණය අක්රිය කිරීමට සිදුවීම මෙම තාක්ෂණයේ සීමාවන් පෙන්වා දුන්නා.
තවමත් පොරොන්දු වු සිරි (Siri) වැඩිදියුණු කිරීම් නොමැත
ඇපල් බුද්ධියේ ප්රධාන අංගයක් වන Siri සහායකයාගේ වැඩිදියුණු කිරීම් තවමත් එළිදක්වා නැත. තිරයේ ඇති තොරතුරු ගැන දැනුවත්වීම, වඩාත් සංවාදශීලී බව, සහ යෙදුම් තුළ වැඩි පාලනයක් ලබාදීම යන පොරොන්දු ඉටුවී නැහැ. “Siri, මාස කිහිපයකට පෙර Cafe Grenel හිදී මා හමුවූ පුද්ගලයාගේ නම කුමක්ද?” වැනි ප්රශ්නවලට පිළිතුරු දෙන බව පෙන්වූ වෙළඳ දැන්වීමක් ඉවත් කිරීමට ඇපල් සමාගමට සිදුවූයේ, එම හැකියාව තවමත් ක්රියාත්මක නොවන බව හෙළිවීමෙන් අනතුරුවයි.
තරගකරුවන්ගේ ප්රගතිය
Google හි Circle to Search, Gemini සහායක, Gemini Live, Add Me කැමරා විශේෂාංග, Samsung හි Galaxy AI හි වස්තු ඉවත් කිරීම, සහ Windows 11 හි Copilot සහ Microsoft Paint හි AI මෙවලම් වැනි විශේෂාංග දැනටමත් ක්රියාත්මක වන අතර, ඇපල් සමාගමේ ප්රමාදයන් වඩාත් පැහැදිලි කරනවා. ඇපල්, එහි වෙළඳ දැන්වීම්, බිල්බෝඩ්, සහ වෙබ් අඩවිය ඔස්සේ ඇපල් බුද්ධිය දැඩි ලෙස ප්රවර්ධනය කරමින් සිටින නමුත්, එහි සැබෑ ක්රියාත්මක වීම බලාපොරොත්තු මට්ටමට නොගැලපෙනවා.
අභ්යන්තර අර්බුදය
ඇපල් සමාගම තුළ මෙම තත්ත්වය “ලජ්ජාසහගත” ලෙස විස්තර වන අතර, AI තාක්ෂණයේ සාර්ථකත්වය පිළිබඳ ප්රකාශනයන් සහ සැබෑ ප්රතිඵල අතර ඇති පරතරය ගැටලුවක් බවට පත්ව තිබෙනවා. AI ක්ෂේත්රයේ වේගවත් වර්ධනය හමුවේ, ඇපල් සමාගමේ මන්දගාමී ප්රගතිය තරඟකරුවන්ට වඩා පසුපසින් තබනවා.
ඇපල් සමාගමේ ව්යාපාරික ආකෘතිය, දෘඩාංග හා ඒ ආශ්රිත සේවාවන් මත යැපෙන බැවින්, AI හි සාර්ථකත්වය ඍජුවම ආදායමට සම්බන්ධ කිරීම අපහසුයි. එහෙත්, AI තාක්ෂණයේ වැදගත්කම හඳුනාගත් ඇපල්, එහි පෞද්ගලිකත්වය කේන්ද්ර කරගත් උපායමාර්ගය තුළ මෙම අභියෝග ජය ගැනීමට උත්සාහ කරනවා.
ඇපල් සමාගමේ අනාගතය
ඇපල් බුද්ධිය සම්පූර්ණයෙන් ක්රියාත්මක වන තුරු, එහි සාර්ථකත්වය පිළිබඳ ප්රශ්න ඉදිරියටත් පවතිනු ඇති. ඇපල් සමාගම මෙම අභියෝග ජය ගන්නේ ද, නැතහොත් AirPower වැනි අසාර්ථක ව්යාපෘතිවලට ඇපල් බුද්ධියද එක්වේද යන්න ඉදිරි මාසවලදී පැහැදිලි වනු ඇති. AI තාක්ෂණයේ වේගවත් වර්ධනය හමුවේ, ලෝකයේ විශාලතම තාක්ෂණික සමාගම මෙම තරඟයේ ඉදිරියට එන්නේ කෙසේද යන්න ලොවම අවධානයෙන් නිරීක්ෂණය කරනු ඇති.
