ආසියාවේ සමහර ප්‍රදේශවල කොවිඩ්-19 රෝගීන් නැවත වරක් ඉහළ යමින් පවතින අතර, හොංකොං සහ සිංගප්පූරුවේ සෞඛ්‍ය බලධාරීන් ආසාදනවල සැලකිය යුතු වැඩිවීමක් පිළිබඳව අනතුරු ඇඟවීම් නිකුත් කර ඇති බව බ්ලූම්බර්ග් වාර්තා කරනවා.

ඒ අනුව කලාපය පුරා ආවේණික වෛරසයේ රැළි අඛණ්ඩව වර්ධනය වෙමින් පවතින බවක් පෙන්නුම් කරන බව එම වාර්තාව පවසනවා.

හොංකොං හි, නිලධාරීන් පවසන්නේ වෛරසය මිලියන 7 කට අධික පදිංචිකරුවන් සිටින නගරය හරහා ක්‍රියාකාරීව පැතිර යන බවයි.

නගරයේ සෞඛ්‍ය ආරක්ෂණ මධ්‍යස්ථානයේ බෝවන රෝග ශාඛාවේ ප්‍රධානී ඇල්බට් ඕ පැවසුවේ වෛරසයේ ක්‍රියාකාරිත්වය දැනට තරමක් ඉහළ තත්ත්වයේ පවතින බවයි.

ඒජන්සියේ දත්ත වලට අනුව, කොවිඩ්-19 සඳහා ධනාත්මක බව පරීක්ෂා කරන ශ්වසන සාම්පල ප්‍රතිශතය මෑතකදී වසරක ඉහළම අගයට ළඟා වී තිබුණා.

මරණ ඇතුළු දරුණු රෝගීන් ද වසරක් තුළ ඉහළම මට්ටමට ළඟා වී ඇති අතර, මැයි 3 වනදා දක්වා සතිය තුළ 31 ක් වාර්තා වී තිබෙනවා.

මෙම නැවත නැඟිටීම පසුගිය වසර දෙකේ ආසාදන උච්චතම අවස්ථාවන්ට තවමත් නොගැලපෙන නමුත්, අපද්‍රව්‍යවල වෛරස් ප්‍රමාණය වැඩිවීම, කොවිඩ් ආශ්‍රිත වෛද්‍ය උපදේශන සහ රෝහල්ගතවීම් වැඩිවීමත් සමඟ, පුළුල් ප්‍රජා සම්ප්‍රේෂණයක් පෙන්නුම් කරනවා.

තවත් ජනාකීර්ණ මූල්‍ය මධ්‍යස්ථානයක් වන සිංගප්පූරුව ද රෝගීන්ගේ තියුණු වැඩිවීමක් අත්විඳිමින් සිනවා.

නගර සෞඛ්‍ය අමාත්‍යාංශය වාර්තා කළේ ආසාදනවල සතියෙන් සතියට 28% ක වැඩිවීමක් වාර්තා කර ඇති අතර එය මැයි 3 වනදා දක්වා සතිය තුළ ඇස්තමේන්තුගත රෝගීන් 14,200 ක් දක්වා ළඟා වී ඇති බවයි.

එමෙන්ම දෛනික රෝහල්ගත කිරීම් ද ආසන්න වශයෙන් 30% කින් ඉහළ ගොස් තිබෙන බවයි වාර්තා වන්නේ.