වාහන ගෙන්වීමට අදාළව අද (28) සිට ක්‍රියාත්මක වන පරිදි ජනාධිපති අනුර කුමාර දිසානායක මහතා විසින් අතිවිශේෂ ගැසට් නිවේදනයක් නිකුත් කර තිබෙනවා.

ඒ දල්, සැලසුම් සහ ආර්ථික සංවර්ධන ඇමැතිවරයා ලෙස ජනාධිපතිවරයා 1969 ආනයන අපනයන පාලක නියාමන පනත යටතේයී.

2025 ජනවාරි 27 දිනැති අංක 2421/04 දරන මෙම අතිවිශේෂ ගැසට් නිවේදනය 1969 අංක 01 දරන ආනයන අපනයන පාලන පනත යටතේ ශ්‍රී ලංකාවට ආනයනය කරන ලද වාහන ණයවර ලිපි සමඟ මුදා හැරීමට ශ්‍රී ලංකා රේගු අධ්‍යක්ෂ ජනරාල්වරයාට බලය පවරමින් ගැසට් නිවේදනය නිකුත් කර තිබෙනවා.

ඒ අනුව 2025 අංක 01 දරන ආනයන හා අපනයන පාලන රෙගුලාසි ලෙස දක්වා ඇති රෙගුලාසි මගින් මෝටර් වාහන ආනයනය කිරීම තාවකාලිකව අත්හිටුවීම ඉවත් කිරීමට පහසුකම් සැලසීම අරමුණු කර තිබෙන අතර අදාළ වාහන 2025 ජූලි 31 දක්වා නිදහස් කළ හැකියි.

දුම්රිය ස්ථාන ඇතුළු පුද්ගලික මෝටර් රථ සඳහා පනවා තිබූ තහනම ඉවත් කර ඇති අතර වසර තුනක් දක්වා පැරණි පාවිච්චි කළ මෝටර් රථ ආනයනය කළ හැකියි.

අදාළ ගැසට් පත්‍රයේ දැක්වෙන්නේ වාහනය ලියාපදිංචිය සඳහා ආනයනකරු හෝ ගැණුම්කරු බදු ගෙවන්නන් හඳුනාගැනීමේ අංකය හෙවත් TIN අංකය ඇතුළත් අදාළ ලියකියවිළි ඉදිරිපත් කළ යුතු බවයි.

මෙලෙස ආනයන සීමා ලිහිල් වන්නේ අදාළ රෙගුලාසි යටතේ ආනයනය කළහැකි සීමාවන්ට යටත්වූ වාහන කිහිපයක් පමණයි.

මෝටර් වාහන දෙපාර්ථමේන්තුවේ ලියාපදිංචි වාහන ආනයනකරුවන් හැර අනෙකුත් පුද්ගලයන්ට වසරක කාලයක් තුළ මෙලෙස ආනයනය කළ හැකිවන්නේ එක් වාහනයක් පමණක් බව අදාළ ගැසට් පත්‍රයේ සඳහන්.

එමෙන්ම මෝටර් රථ ප්‍රවාහන දෙපාර්තමේන්තුවේ ලියාපදිංචි ආනයනකරුවකුට ඕනෑම වාහන ප්‍රමාණයක් ආනයනය කළ හැකියි.

ඉදිරි මාස 12 තුළ වෙනත් ඕනෑම පුද්ගලයෙකුට එක් වාහනයක් ආනයනය කළ හැකිය.

ආනයනකරුවන්ට වාහන ආනයනය කර දින 90ක් ඇතුළත ඒවා අලෙවි නොකළහොත් හෝ සියයට 3ක දඩ මුදලක් ගෙවා ඔවුන්ගේම නම් යටතේ ලියාපදිංචි කිරීමට සිදු වන බවද ගැසට් නිවේදනය මඟින් දක්වා තිබෙනවා.

අදාළ ගැසට් නිවේදනය පහතින්…