ඉන්දියාවේ පෝරි ගාර්වාල් දිස්ත්‍රික්කයේ ශ්‍රීනගර් ප්‍රදේශයේදී බස් රථයක් මීටර් 100 ක් ගැඹුරු ප්‍රපාතයකට වැටීමෙන් පුද්ගලයින් හය දෙනෙකු මිය ගොස් තවත් 22 දෙනෙකු තුවාල ලැබූ බව නිලධාරීන් පවසනවා.
ඉන්දීය රාජ්‍ය ආපදා ප්‍රතිචාර බලකායට අනුව, දහල්චෞරි අසලදී මෙම අනතුර සිදුව ඇත්තේ බස් රථය පාලනයෙන් මිදීම නිසයි.
මගීන් 28 දෙනෙකු රැගත් බස් රථය පෝරි සිට දහල්චෞරි වෙත යමින් සිටියදී මෙම අනතුරට මුහුණ පා ඇති අතර පස් දෙනෙකු එම ස්ථානයේදීම මිය ගිය බව සඳහන්.
අනතුරෙන් පසු ගලවා ගැනීමේ මෙහෙයුම සිදු කිරීමට ප්‍රදේශවාසීන් ද සහාය දක්වා ඇති අතර තුවාල ලැබූවන් පෝරි දිස්ත්‍රික් රෝහලට ගෙන ගොස් තිබෙනවා.
