චීනයේ ව්‍යාප්ත වෙමින් පවතින HMPV වෛරස ආසාදිතයෙකු පළමුවරට ඊයේ (06) දිනයේදී ඉන්දියාවෙන් හඳුනාගෙන තිබෙන විදෙස් මාධ්‍ය වාර්තා කළා.
ඉන්දියාවේ බැංගලෝර් හි මාස 08ක් වයසැති බිළිඳෙකුට මෙම වෛරසය ආසාධනය වී ඇති බවයි විදෙස් මාධ්‍ය වාර්තා කළේ.
කෙසේවෙතත් අද (07) දිනය වන විට එම වෛරසය වැළඳුණු බවට ස්ථිර කරන ලද රෝගීන් ගණන 05 දෙනෙකු දක්වා ඉහළ ගොස් තිබෙනවා.
ඒ බෙංගාලූරුවේ මාස තුනක ළදරුවෙකු සහ රෝහලක සුවය ලබන මාස අටක දරුවෙකු, අහමදාබාද්හි මාස දෙකක දරුවෙකු ද සහ චෙන්නායි සහ සේලම් හි එක දරුවෙකු ලෙසයි.
පෙනහලු සහ ශ්වසන මාර්ගයට බලපාන මෙම වෛරස තත්ත්වය කුඩා දරුවන්ට වැඩිහිටියන්ට සහ ප්‍රතිශක්තිකරණය දුර්වල පුද්ගලයින්ට බලපාන බව වෛද්‍යවරුන් පෙන්වා දී තිබෙනවා.
ඉන්දීය සෞඛ්‍ය විශේෂඥයින් පෙන්වා දෙන්නේ මෙම වෛරස තත්ත්වය එතරම් බරපතළ නොවනු ඇති බවයි.
නමුත් කර්නාටක, මහාරාෂ්ට්‍ර සහ දිල්ලියේ ආන්ඩු විසින් HMPV හා සම්බන්ධ විය හැකි සෞඛ්‍ය අභියෝග සඳහා සූදානම් වීම සහතික කිරීම සඳහා – Covid-19 කාලය තුළ අනුගමනය කළ ආකාරයටම මාර්ගෝපදේශ නිකුත් කර තිබෙනවා.
HMPV, ප්‍රථම වරට 2001 දී හඳුනාගනු ලැබුවේ, උණ වැනි රෝග ලක්ෂණ ඇති කරන ශ්වසන ආසාදනයකි.
වයස අවුරුදු පහට අඩු ළමයින්, වැඩිහිටි වැඩිහිටියන් සහ දුර්වල ප්‍රතිශක්තිකරණ පද්ධතියක් ඇති අයට වැඩි අවදානමක් ඇතත්, එය සෑම වයස් කාණ්ඩයකම පුද්ගලයින්ට බලපානු ලබනවා.
