2025 වසරේ ඔස්ට්‍රේලියානු ක්‍රිකට් කණ්ඩායමේ ශ්‍රී ලංකා සංචාරයේ කාලසටහන ශ්‍රී ලංකා ක්‍රිකට් ආයතනය විසින් නිල වශයෙන් ප්‍රකාශයට පත්කර තිබෙනවා.
මෙම සංචාරයට ටෙස්ට් තරඟ දෙකක් සහ එක්දින අන්තර්ජාතික තරගයක් පැවැත්වීමට නියමිතයි.
මෙම සංචාරය ටෙස්ට් තරගමාලාවෙන් ආරම්භ වන අතර තරග දෙකම ගාල්ල අන්තර්ජාතික ක්‍රිකට් ක්‍රීඩාංගණයේදී පැවැත්වීමට සැලසුම් කර තිබෙනවා.
ඒ අනුව පළමු ටෙස්ට් තරගය 2025 ජනවාරි 29 සිට පෙබරවාරි 2 දක්වාත් දෙවැනි ටෙස්ට් තරගය 2025 පෙබරවාරි 6 සිට 10 දක්වාත් පැවැත්වෙනවා.
හම්බන්තොට මහින්ද රාජපක්ෂ අන්තර්ජාතික ක්‍රිකට් ක්‍රීඩාංගණයේ (MRICS) පැවැත්වෙන දිවා රාත්‍රී එක්දින තරගයකින් මෙම සංචාරය අවසන් වනවා.
එම තරගය 2025 පෙබරවාරි 13 වැනිදා පැවැත්වීමට නියමිතයි.
සංචාරය සඳහා සූදානම් වීම සඳහා ස්ට්‍රේලියානු කණ්ඩායම 2025 ජනවාරි 20 වන දින ශ්‍රී ලංකාවට පැමිණීමට නියමිතයි.
කණ්ඩායම් දෙකම ක්‍රීඩාවේ ආකෘති දෙකේදීම තම ආධිපත්‍යය තහවුරු කිරීමට බලාපොරොත්තු වන මෙම තරගාවලිය සැලකිය යුතු අවධානයක් යොමු කරනු ඇතැයි අපේක්ෂා කෙරෙනවා.
