2025 නව වසර ඊයේ (31) මධ්‍යම රාත්‍රියේදී ශ්‍රී ලංකාවට උදා වුණා.
සාම්ප්‍රදායිකව ප්‍රථමයෙන් නව වසර උදා වූයේ කිරිබති රාජ්‍යයටයි.
ඉන් අනතුරුව නවසීලන්තය, ඔස්ට්‍රේලියාව ඇතුළු රටවල් රැසකට නව වසර උදා වූ බව සඳහන්.
ඉන් පැය කිහිපයකට පසුව ආසියානු රටවල් රැසකට 2025 වසර උදා වුණා.
2025 වසර ඔබ සියලු දෙනාට සාමය, සතුට පිරි සෞභග්‍යමත් නව වසරක් වේවායි Radio WESL අපි ප්‍රර්ථනා කරනවා.
ලැබුවා වු 2025 නව වසර වෙනුවෙන් ජනාධිපති අනුර කුමාර දිසානායක මහතා විසින් සුබ පැතුම් පණිවුඩයක් නිකුත් කර තිබෙනවා.
2025 නව වසරේදී තවත් වීර්යයෙන් සහ සද්- අධිෂ්ඨානයෙන් යුතුව අපි කැප වී ක්‍රියා කරන්නෙමු යන්න ජනාධිපතිවරයා නිකුත් කර ඇති සුබ පැතුම් පණිවුඩයේ දක්වා ඇත්තේ.
මේ අතර ලැබුවා වූ 2025 නව වසර වෙනුවෙන් අග්‍රාමාත්‍ය ආචාර්ය හරිනි අමරසූරිය මෙනෙවිය විසින් සුබ පැතුම් පණිවුඩයක් නිකුත් කර තිබෙනවා.
සියළු දෙනාම අධිෂ්ඨානශීලීව එකාවන්ව එළඹෙන 2025 වසරට ගමන් කරමු යන්නයි අග්‍රාමාත්‍යවරිය සිය සුබ පැතුම් පණිවුඩයේ දක්වා ඇත්තේ.
