2025 වසරේ ලොව වැඩිම නිවාඩු සංඛ්‍යාවක් හිමි රටවල් අතරට ශ්‍රී ලංකාව ඇතුලත්ව තිබෙනවා.

CN Traveller විසින් ඉදිරිපත් කර ඇති වාර්තා අනුව 2025 වසරේ ලොව වැඩිම නිවාඩු දිනයන් සහිත රට ලෙස නම් කර ඇත්තේ නේපාලයයි.

එම ශ්‍රේණිගත කිරීමට අනුව මියන්මාරය ලබන වසර සඳහා නිවාඩු 32ක් හිමිකරගනිමින් දෙවැනි තැනට නම් කර තිබෙනවා.

නිවාඩු 26ක් ලබන වසර සඳහා ලබා දෙමින් ඉරානය තුන්වන ස්ථානයටත් හිමිකරගෙන තිබෙන අතර නිවාඩු 25 හිමිකරගනිමින් ශ්‍රී ලංකාවට හිමිව ඇත්තේ 4 වන ස්ථානයයි.

බංගලාදේශය, ඊජිප්තුව සහ ඉන්දියාවට ලබන වසර සදහා නිවාඩු 22 බැගින් හිමිව තිබෙනවා.

ඔස්ට්‍රේලියාවේ නිවාඩු දිනයන් ගණන ප්‍රාන්තයෙන් ප්‍රාන්තයට වෙනස් වන අතර වික්ටෝරියානුවන්ට 2025 වසර සඳහා නිවාඩු දින 12ක් හිමි වනවා.