2024 ජනාධිපතිවරණයේ දී අපේක්ෂකයෙක් ලෙස තමා ඉදිරිපත් වන බව ෆිල්ඩ් මාර්ෂල් සරත් ෆොන්සේකා මහතා පවසනවා.

ඔහු සිය X ගිණුමේ සටහනක් තබමින් ඒ බව නිල වශයෙන් දැනුම් දී තිබෙනවා.

වසර 76ක කාලයක් රට පාලනය කළ අකාර්යක්ෂම දේශපාලන කණ්ඩායම් විසින් රට බංකොළොත්භාවයට පත්කර ඇති බවයි සරත් ෆොන්සේකා මහතා පවසන්නේ.

ශ්‍රී ලංකාව සංවර්ධනය කරා ගෙන යාමට නම් දුෂණය නතර කළ යුතු බව සිය X ගිණුමේ සටහනක් තබමින් ඔහු වැඩිදුරටත් ප්‍රකාශ කර තිබෙනවා.

මේ අතර 2024 ජනාධිපතිවරණයේ දී අපේක්ෂකයෙක් ලෙස තමා ද ඉදිරිපත් වන බව අධිකරණ අමාත්‍ය විජයදාස රාජපක්ෂ මහතා පවසනවා.

විශේෂ මාධ්‍ය හමුවකට එක්වෙමින් අමාත්‍යවරයා මේ බව සඳහන් කළා.