ශ්‍රී ලාංකීය සංගීත රසිකයන් අතර නොමැකෙන නාමයක් දිනූ අභාවප්‍රාප්ත ජනප්‍රිය ගායක, ප්‍රවීණ ගේය පද රචක, විශිෂ්ට සංගීතවේදී සේනක බටගොඩ මහතාගේ අවසන් කටයුතු හෙට (14) සවස 4.00ට බොරැල්ල කනත්තේදී සිදු කිරීමට නියමිතයි.
ඔහුගේ දේහය මහජන ගෞරවය සඳහා අද (13) පෙරවරු 9.00 සිට හෙට පස්වරු 3.00 දක්වා බොරැල්ල ජයරත්න මල්ශාලාවේ තැන්පත් කර ඇති බව ඥතීන් පවසනවා.
1958 උපන් ඔහු මියයන විට 66 වැනි වියේ පසුවුණා.
සැනසෙන්නම් මා , නිදි නැති රැය පුරා ,උඩු තොල ගාවට, ලුණු දිය පිරුන, අපි කවුරුද? , සිහින මවන්නැති වැනි ගීත කිහිපයකම නිර්මාණකරු ලෙස ඔහු ශ්‍රී ලාංකික සංගීත රසිකයින් අතර මහත් ආදරයක් දිනා ගත්තා.
