සොරාගත් යතුරුපැදියකින් ඝාතනයක් සඳහා යමින් සිටි පුද්ගලයන් දෙදෙනෙක් විදේශක නිෂ්පාදිත රිවොල්වර වර්ගයේ ගිනි අවියක් සහ හොරයින් මත්කුඩු සමඟ අත්අඩංගුවට ගත් බව මනුෂ්‍ය ඝාතන හා සංවිධානාත්මක අපරාධ විමර්ශන අංශය පවසනවා.
සැකකරුවන් දෙදෙනා සන්තකයේ තිබී රිවොල්වර වර්ගයේ ගිනි අවියක්, 38 වර්ගයේ ජීව උණ්ඩ පහක්, හොරයින් මත්කුඩු මිලිගෑම් 11,760 ක් පොලිස් භාරයට ගෙන තිබෙනවා.
ඉකුත් 16වෙනි දින හිටපු ක්‍රිකට් ක්‍රීඩක ධම්මික නිරෝෂන් නොහොත් ජොන්ටි යන අය ඝාතනය කිරීමේ සිද්ධියට පළිගැනීම සඳහා කොස්ගොඩ සුජී පාර්ශ්වයේ අනුගාමිකයකු වන විදෙස් ගතව සිටින හසිත නොහොත් දෙලා තීරෝද රථ රියදුරු වන සෝනි නැමැත්තා ඝාතනය කිරීමේ මෙම ඝාතන කොන්ත්‍රාත්තුව භාර දුන් බවයි අත්අඩංගුවට ගත් සැකකරුවන්ගෙන් සිදුකළ ප්‍රශ්න කිරීමේදී අනාවරණය වී ඇත්තේ.
අම්බලන්ගොඩ දුම්රියපොළ අසලදී අත්අඩංගුවට ගත් සැකකරුවන් දෙදෙනා වතු ගෙදර පරගහතොට පින්තාරු ශිල්පියෙකු ලෙස කටයුතු කරන අයක් හා එම ප්‍රදේශයේම පදිංචි ත්‍රී රෝද රථ කාර්මිකයකු වන 27 හා 29 හැවිරිදි පුද්ගලයන් බව පොලිසිය සඳහන් කළා.
