පසුගිය වසර දෙක තුළ ඇමරිකානු ඩොලර් බිලියන 11 ක වෙළඳ දත්තවල විෂමතා සම්බන්ධයෙන් ජාත්‍යන්තර මූල්‍ය අරමුදල මගින් (IMF) පාකිස්තානය දැඩි ලෙස විවේචනය කර තිබෙන බව වාර්තා වනවා.

ඒ අනුව ඉටු නොවූ ව්‍යුහාත්මක ප්‍රතිසංස්කරණ පිළිබඳව කනස්සල්ල පළ කළද, ආනයන දත්ත අඩුවෙන් වාර්තා කිරීම පකිස්ථානයේ ආර්ථික වර්ධනයට සහ අපනයන ක්‍රියාකාරිත්වයට බලපානු ඇති බවයි IMF පැවසුවේ.

විශේෂයෙන්, පකිස්ථාන රජයේ ඉලක්කය වන සියයට 4.2 ට සාපේක්ෂව දළ දේශීය නිෂ්පාදිත ප්‍රක්ෂේපණය සියයට 3.5 දක්වා පහත හෙලීමට එය සලකා බලා තිබෙනවා.

මූල්‍ය විනය සහ ව්‍යුහාත්මක ප්‍රතිසංස්කරණ සඳහා පාකිස්තානයේ උදාසීනත්වය දුටු පසු IMF නිලධාරීන් ඇමරිකානු ඩොලර් බිලියන 1.25 ක පමණ ණය වාරිකයක් නිකුත් කිරීම ප්‍රතික්ෂේප කළා.

අපේක්ෂිත පොරොන්දු සහ ව්‍යුහාත්මක ප්‍රතිසංස්කරණ ඉටු කිරීම සඳහා පකිස්ථානය “සහන කාලයක්” ඉල්ලා සිටියා.

නමුත් ඉටු නොවූ පොරොන්දු මධ්‍යයේ අයවැය වැරදි කළමනාකරණය, පාරාන්ධ වියදම් සහ ආරක්ෂක වියදම් ඉහළ යාම හේතුවෙන් IMF එය ප්‍රතික්ෂේප කළ අතර එමඟින් පාකිස්තානයේ බිඳෙනසුලු ආර්ථිකයට තවදුරටත් තර්ජන එල්ල වුණා.

“නොවිසඳී ඇති ඕනෑම ගැටළුවක් විසඳීමේ අරමුණින් IMF කණ්ඩායම සහ බලධාරීන් ප්‍රතිපත්ති සාකච්ඡා දිගටම කරගෙන යනු ඇත,” ලෙසයි IMF පැවසුවේ.