බංග්ලාදේශයේ කාන්තාවන්ට සහ දැරියන් ඉලක්ක කරගත් ප්රචණ්ඩත්වය සැලකිය යුතු අයුරින් ඉහළ ගොස් තිබෙන බවට එරට කාන්තා කවුන්සිලයේ සභාපතිනිය ආචාර්ය ෆවුසියා මොස්ලේම් ප්රකාශ කළ බව ඩේලි ස්ටාර් පුවත් සේවය වාර්තා කළේය.
එරට මහමැතිවරණයක් ආසන්නව තිබියදීත් කාන්තා හා දැරියන් සහ සුළුතර ප්රජාව ඉලක්ක කරගත් ප්රචණ්ඩත්වය වාචික, ශාරිරීක සහ අන්තර්ජාල ක්රියාකාරකම් මඟින් බරපතළ ලෙස ඉහළ ගොස් ඇතැයි ද, මූලික මානව හිමිකම් ආරක්ෂා කිරිමට අන්තර්වාර රජය අසමත් වී ඇතැයි ද බංග්ලාදේශ කාන්තා කවුන්සිලයේ සභාපතිනිය වැඩිදුරටත් සඳහන් කර තිබේ.
පසුගිය වසරේ ජනවාරියේ සිට ජූනි මස දක්වා සිදුවී ඇති ස්ත්රී පුරුෂභාවය මත පදනම් වූ ප්රචණ්ඩත්වය ඊට පෙර වසරේ එම කාල වකවානුව තුළ වාර්තා වූ ප්රමාණයට වඩා බෙහෙවින් වර්ධනය වී ඇතැයි පොලිස් දත්ත සංඛ්යාලේඛන මඟින් පෙන්නුම් කරන බව ද වාර්තා වේ.
