අමෙරිකාවේ ආරක්ෂක සමාගම් 20 ක් සහ විධායක නිලධාරීන් 10 දෙනෙකුට එරෙහිව චීනය සම්බාධක පනවා තිබේ.
ඒ අනුව අමෙරිකාව තායිවානයට මහා පරිමාණ අවි අලෙවි කිරීමක් නිවේදනය කිරීමෙන් සතියකට පසුව චීනය මේ බව ප්රකාශයට පත් කර ඇති බවයි විදෙස් මාධ්ය වාර්තා කළේ.
චීන විදේශ අමාත්යාංශයට අනුව, සම්බාධකවලට චීනයේ සමාගම්වල වත්කම් තහනම් කිරීම සහ පුද්ගලයින් සහ සංවිධාන ඔවුන් සමඟ ගනුදෙනු කිරීම තහනම් කිරීම ඇතුළත් වේ.
තායිවාන ප්රශ්නය චීනයේ මූලික අවශ්යතාවල හරය බවත් චීනය – එක්සත් ජනපද සබඳතාවලදී තරණය නොකළ යුතු පළමු රතු රේඛාව බවත් නැවත වරක් අවධාරණය කරන බවත් චීන විදේශ අමාත්යාංශය නිවේදනයක් නිකුත් කරමින් පවසා තිබේ.
තායිවානයට අවි අලෙවි කරන යෙදෙන ඕනෑම සමාගමක් හෝ පුද්ගලයෙකු එම වරද සඳහා වන්දි ගෙවනු ඇතැයි ද චීනය අනතුරු ඇඟවීය.
